周記豬油渣面-大砲仔

周記豬油渣面-大砲仔

星期五約左朋友晚飯, 仲有大把時間, 又怕餓太耐會胃痛, 大炮仔放工諗住食D野,
坐車出去睇下高登, 討論近豬油渣面, 即刻豬油渣感覺出哂黎.好想食,即刻坐地鐡去深水埗整番碗先.

由於剛6點, 可能好多人都未放工, 人唔多, 即刻叫一碗, 枱面有好多配料, 魚露,蔥粒,辣冬菜, 普通冬菜, 正呀.
碗面黎到, 油渣份量夠, (之前食過.夠膽死一碗面得兩三條油渣), 加哂所有配料, 食得.

油渣夠新鮮, 一咬落去充滿豬油香, 豬油脆脆地, 好回味.
之後對面黎左一男一女, 叫一豌多渣(原來可以叫多渣, 大碗仔感覺今次蝕了)

$25一碗, 食到好滿足, 不過深水埗真係超多男人加上熱到爆炸, 食完即走.

地址:深水埗福榮街117號地下 (近桂林街)